要熱烈地親親Daddy

雖然, 有排都未到父親節, 但上次偶然進入了'蝴蝶'那歌的網頁, 其中一回應者提到此極經典及很值懷緬的,同樣是一老一少對答的歌曲--"親親爹地"; 一下子, 回憶湧上心頭, 很有衝動把它找出來...

嘩,此"親親爹地",實在難找, 很多人以為是Sunny 哥哥唱的,又不那麼多地方有此歌播放,歌詞亦沒什麼人上傅...終於, 我找到啦! 請聽:


這是真正的父子對唱, 由何國禧及其子何君諾合唱,十分自然溫馨, 相信每一個曾當或正當一個小孩的Daddy一定有所動容, 會心微笑...為什麼 ? 看看由鄭國江填寫的歌詞內容便知:


仔：爸爸，爸爸，
　　如無紅日照耀，我們怎麼了？

爸：唔…如果個太陽唔照我地呢，
　　你一定會覺得好驚奇喇，
　　咁只要你「猛」大對眼，
　　望住個天，
　　求求清風將你吹送到天空上，
　　那落日定把光輝照

仔：爸爸，爸爸，
　　我怕那風不吹，
　　我又怎麼了？

爸：如果風不吹，空氣也不動，
　　咁你隻帆船仔就行唔到喇，
　　紙鳶又飛唔起，
　　小草睇見你咁可憐個樣呢，
　　佢就會，講比清風知，
　　風會慢慢地吹送

仔：爸爸，爸爸，
　　我怕草不生長，我又怎麼辦？

爸：啊！如果Ｄ草唔肯生長，
　　咁或者你會喊喇，
　　咁於是泥土就會比你眼既眼淚滋潤番，
　　好似你鍚爹地咁，Ｄ草就會越生越多喇，
　　這大地盡是小草苗

仔：爸爸，爸爸，
　　如果我唔鍚你，你估會點呢？

爸：如你咁忤逆，小草長不成，
　　成天黑MUNG MUNG，清風立刻停，
　　所以你要知如果你想呢個世界美麗同埋快樂呢，
　　你要熱烈地親親爹地，寶寶噢！要熱烈地親親爹，
　　聽到嘛寶寶?

爸 + 仔：要熱烈地親親爹地
爸：你鍚唔鍚爹地？
仔：鍚！
爸：現在就親親爹地，寶寶啊！要現在就親親爹地．．．


【想跟爸爸說的話】：

爸爸，我愛你喔～～
請原諒我經常以忙為藉口而沒有探望你,忙是事實, 但其中一原因是我不懂得處理那相對無言～～